منم کی پادشاه می ور گدایه

گلیم پاره می درویشه قبایه

 

نه کویه عاشقم نه دره پابند

جه بی جایی جهان می جا جگایه 


 

منم کی پادشاه می ور گدایه

گلیم پاره می درویشه قبایه

 

نه کویه عاشقم نه دره پابند

جه بی جایی جهان می جا جگایه

 

روبار اب بامو دریا ننسته

 ببرده ادمه دنیا ننسته

 

اجل وقتی بایه پیر شنو باز

 دمیره اب مین گوزگا مانسته

 

امی کاره دره چرخ تونی تاب

 اسه وارش ببه صحرا یا افتاب

 

امه پیله تیانیم کی شیمی

عزایه و عروسی گرم کنیم اب

 

بشو اما می ناله چی کونی پس

می دیل خاله خاله چی کونی پس

 

گیرم پاره کودی می عکس و نامه

تی دیم ماچی ماله چی کونی پس

 

امی سبیل گوشه باد نمه دن

هچین زحمت تره زیاد نمه دن

 

امی درس امه ده فوت ابیم

بمرده مار شیون یاد نمه دن

 

سره ده اهوئیم شکار هیکس

هزار ته صحرایه امی طناب رس

 

زمین گیره نبیم سبزه مانستن

 پلا خانه خوریم ماله شوریم دست

 

نیه هرگز تی دست تنگی خدا خواست

کو گالش اب دوبو شیره بزه ماست

 

ویری تی کول دازک بسابان

کج و کوله دار ه اتش کونه راست


موضوعات مرتبط:

برچسب‌ها: اشعار


تاريخ : سه‌شنبه ٧ تیر ۱۳٩٠ | ۱:٢۸ ‎ب.ظ | نویسنده : رضا عابدین پور | نظرات ()
.: Weblog Themes By SlideTheme :.